Tromsø - i lys og mørke

Senja og Rødtind

2011-06-26T22:08:00.002+01:00

Jonsok-helga starta med tur til Senja, og på fredagen var det flott ver for ei utflukt.

Me tok turen sørover på Senja, og fann ein fin plass i fjøresteinane.

Flintsteika tok heile grillen, men det er ingen problem for "grillkongen" :-)

Me hadde gløymt "sovehunden" til Live på turen, så det var litt krise ei stund. Men etter kvart vart erstatninga godteken og ho kunne sova trygt mellom eledillar og krokofantar...

Heime i Tromsø att kunne me bestiga Rødtind her på Kvaløya i litt gråare ver. Men humøret var på topp for det, og 8-åringen sprang nesten frå oss oppover bakkane.

Høgdepunktet kom på tur ned! Det er framleis mogleg å "sile", sjølv om buksebaken blir litt våt.

Sommar i nord

2011-06-19T21:31:00.006+01:00

Då har det hendt litt sidan forrige innlegg, og me startar med Live i "fuglehuset". Legg merke til at Live er først oppe, - ikkje heilt tilfeldig...

Det var litt verre å få ho ned att :-)

Så har me vore i "bonderomantisk" konfirmasjon i Levanger. Live ville nok helst vera sjåfør, men kjøreturen tok lang nok tid, sjølv om me ikkje brukte traktor.

Is-stopp i 28 grader ved Laksfors i Nordland. Vatn var det nok av...

Teltlivet blir ikkje det same etter vår siste nyvinning, - eit tunneltelt med full takhøgde og som tek opp halve plenen.

Me måtte straks ut og prøva teltet i den nordnorske sommarvarmen, så me fann oss ein teltplass i idylliske Sørvika ved Brensholmen (saman med 8 andre telt....). Men det var god nok plass til alle.

Frå teltet kl. 24 natt til sundag;

"...og når netter er ljose som dagar, kan han ingen stad venare sjå."

Ein liten topptur tidleg ein sundagsmorgon. Utsikt over Brensholmen og Sommarøy på yttersida av Kvaløya, og den karakteristiske Håja ytterst i havgapet. "Campingplassen" vår er ved stranda nedst i biletet.

Sydenliv

2011-05-07T23:06:00.003+01:00

Som vår guide frå Apollo sa: "Her kan vi bade....., sole....., snorkle......., shoppe......, bade......., sole...... osv.

Vår korrespondent Live from the desert in Maspalomas.

Kameltur; skrekkblanda fryd for enkelte heilt til kamelen bæsja..... Etter det vart det berre gøy.

Me måtte jo opp på eit fjell, så kvifor ikkje ta eit av dei høgaste? Roque Nublo, 1700 m.o.h., ca. 10 grader.

Stor is er viktig, sjølv om han smeltar litt raskare enn i Tromsø.

Me bada nesten kvar dag og læringskurva når det gjaldt symjing var bratt for begge jentene.

Kjekt å leika i "verdas største sandkasse".

Flyturen heim gjekk greit takka vere godt erfarne pilotar.

Ikkje alle klarte å omstilla seg like fort då me kom heim att.

Irene 8 år!

2011-03-10T00:01:00.001+01:00

I dag fyller Irene 8 år, og det er ikkje tvil om at ho har blitt ei stor jente.

Ho likar svært godt å hjelpa til på kjøkkenet (når ho får sleppa til). Dette biletet er frå fjorårets julebakst (som vel endå ikkje er fortært...)

Irene er ei snill og flink storesøster som er glad i å finna på ting i lag med Live.

Som de sikkert har sett i forrige innlegg er Irene glad i å gå på ski og å vera ute på tur. Men ho er minst like glad i å bada, og dette siste biletet er frå symjetrening i Levi (Finland) no i vinterferien.

Fjelltur og bursdagsfeiring

2011-02-20T22:14:00.002+01:00

I dag har Irene vore med på ein skikkeleg fjelltur. Me teipa fast nokre fellar på skia hennar, og jammen gjekk ho ikkje heilt opp på toppen av Finnlandsfjellet.

Toppen er på ca. 500 m.o.h. og me gjekk omtrent rett opp frå huset vårt.

Det var flott nysnø å renna i ned att, og Irene syntest nesten at det gjekk litt for sakte enkelte stader.

Sist helg feira me Live sin to-års-dag, og ho klarte å blåsa ut lysa utan å svi for mykje av luggen. (Så har ho heller ikkje så lang lugg....)

To populære gåver: Ei handlevogn full av plastmat, og MakkaPakka som må vera med på handleturen (og dei fleste andre stader).

Live 2 år!

2011-02-13T00:08:00.000+01:00

Gratulerer med 2-års-dagen, Live!

Her følgjer nokre små glimt frå kvardagen:

Live er svært glad i å vera ute, og er overbegeistra når det har kome "asse nø". (Nei, det betyr ikkje Nasse Nøff, men masse snø.) Her har ho vore med å laga snølykt på julafta.

Skeptisk...?

Svært tilfreds :-)

På besøk på Irene sitt rom, og heilt oppslukt i boka ho fekk til jul om HinkelPinkel, HoppsiDaisy, MakkaPakka og for ikkje å gløyma HaHoene!

Ein skal tidleg krøkast...? Det er alltid populært når det er att ein liten rest PepsiMax frå kvelden før.

Magisk...

2010-12-28T20:46:00.003+01:00

Strålande ver, perfekt føre og magisk lys!

Med nyglida fjellski og puddersnø frå fjære til fjell, vart skituren på Finlandsfjellet i føremiddag ein av dei aller beste (sjølv om dei er vanskelege å rangera). Med eit slikt lys i mørketida, er sola faktisk ikkje sakna.... :-)

Jul i Østersvegen

2010-12-24T12:06:00.002+01:00

Natt til julafta fekk me det største snøfallet til no i vinter, og meir perfekt julever er det vel knapt mogleg å få :-)

Her har jentene laga flotte snølykter utanfor huset vårt.

Ein liten tur ut på julafta føremiddag er greit for å få tida til å gå.

Her har Irene til og med prøvd å grava seg ned...., mens Live tek seg ein pust i bakken.

Me vil med dette ynskja alle våre blogg-lesarar ei GOD JUL!

Sol og skitur

2010-11-13T17:15:00.004+01:00

I dag har eg vore på vinterens første skitur på fjellet i det som nok er nokre av dei siste solstrålene for året. Føret var ikkje så verst, sjølv om det er litt i minste laget med snø enno. Men så lenge eg brukar grus- og asfaltskia er det ikkje så farleg.

Ved ca. 400 m låg det eit tynt stratuslag (dvs. eit skylag med tåkeskyer), og stemninga vart ganske trolsk.

Men over skyene er himmelen alltid blå (eller gul), så på toppen vart det utsikt utover skyhavet og mot sola i sør att. Så får me berre venta på meir snø, slik at det blir fleire skiturar i mørketida.

Tur til Malangen

2010-11-02T21:50:00.003+01:00

I helga fekk me lyst på ei lita utflukt, og valet fall til slutt på Malangen brygge. Her kan ein leige både rorbuer, hytter, leiligheiter, hotellrom, luksushytter og luksusrorbuer. Alt er bygd opp i løpet av dei siste åra, og me havna på ei "vanleg" hytte frå laurdag til søndag.

Her ser me jentene framføre hotellbygningen som stod ferdig før sommaren, og til neste sommar skal det opnast ein eigen spa-avdeling i 3. etasje.

Dette er omtrent ein fjerdedel av alle bu-einheitane. I tillegg er det planlagt fleire, så det satsast stort.....

Irene kommenterte når me kom heim at det var ein veldig barnevenleg plass (kan ho ha høyrt det frå nokon andre...), og det var kanskje først og fremst leikeplassen ho sikta til.

Men den var verkeleg barnevenleg. Leikeapparatene var importert frå Finland (det er vel eigentleg ikkje så relevant) og her var det utfordringar for både små og store ungar, utan at me måtte passa på dei heile tida.

Utsikten var upåklageleg og me fekk til og med med oss nokre solstråler midt på dagen. Me likte oss svært godt det døgnet me var her, og tek gjerne turen tilbake seinare, f.eks. i den lyse årstida.

Vinteren er her!

2010-10-20T21:05:00.002+01:00

Då er vinteren godt på plass i Tromsø, så får me sjå kor mange dagar han varer i denne omgangen. Det er i alle fall godt med litt snø som gjer mørke ettermiddagar og kveldar litt lysare.

Oppe i skogen er det allereie reine julestemninga med eit fint snølag på trea. Det er enno litt for lite snø til å gå på ski i lysløypa, men det er ikkje så mykje som skal til for alle.

Live er klar for sin første skitur, men i første omgang har ho nok funne litt for store sko :-)

Men skitur vart det. Her er Irene og Live på tur i hagen og innsatsen er det ikkje noko å seia på.

Litt skeptisk kanskje, men med litt hjelp kom Live seg eit par rundar i løypa som Irene gjekk opp. Me satsar på meir skitrening framover og no ynskjer me oss ikkje mildver før etter påske!!

Haustferie i Finland

2010-10-03T17:59:00.002+01:00

I helga hadde Tromsø kommune spandert heile 2 dagar haustferie på oss (dvs. dei av oss som er avhengige av skulen sine fridagar). Så då tok Live (og me andre) ein tur til Levi.

Det er 5-6 timar å kjøra til Levi frå Tromsø, og det store trekkplasteret var eit nyopna badeland med heile 18 ulike basseng og både lyd- og lyseffektar. Dessverre har me ingen bilete frå badelandet, men me vart våte 2 dagar på rad og alle storkoste seg.

Den eine ettermiddagen kjørte med opp på Levi-fjellet og tok ein liten rundtur. Fjellet er nesten heilt rundt og ikkje høgare enn 500 m, men finnane har utnytta det til fulle og klart å laga ei mengde alpinbakkar. Spørs om me ikkje må tilbake hit om vinteren ein gong....

Hyttene i Finland er tydelegvis store (i alle fall høge). Her er eit flyfoto av hovudromet teke frå hemsen.

Me likar oss på fjellet og måtte sjøvsagt oppsøka dei "haugane" som var i nærleiken. Her er Live og Irene frå seg av beundring på veg opp på Yllästunturi med gondolbanen.

Dette fjellet er på over 700 m og det var bitande, kald vind på toppen. Ein ekstra grunn til å besøka Ylläs var at Tore brukte data herfrå då han skreiv hovudoppgåva i meteorologi for over 10 år sidan. Litt vel seint å studera dei lokale tilhøva, kanskje......

Nydeleg haustver

2010-09-14T19:25:00.002+01:00

Dei siste dagane har me hatt eit strålande haustver her nord, god temperatur og flotte haustfargar.

Haustfargane kjem kanskje ikkje så godt fram på dette første biletet frå Kjølen, men det var absolutt på sin plass med ein hausttur hit. Etter å ha budd 10 år i Tromsø er det faktisk første gong eg er her på sommarføre (men har vore utallege gongar om vinteren). Utsikten er mot Tromsøya og Tromsdalstind.

Her har Irene og Live klatra opp i eit tre ved Rundvannet på Tromsøya. Ikkje så langt å gå dit akkurat, men ein perfekt plass for å grilla samtidig som me feira at Irene har funne alle 45 postane i Stifinner'n (turorientering for barn). Og Live har vore med på 20 av dei.....

Tur til Sørtind

2010-08-21T19:14:00.004+01:00

Då er det jammen på tide med eit blogginnlegg att etter ein lang sommarferie. På ein så flott seinsommardag som i dag, er ein nødt til å koma seg ut på tur. Og det passa jo perfekt at familien Asdahl hadde tenkt seg på den same toppen som oss :-)

På toppen var det til og med vindstille, og me kunne nyta både veret og pannekakene som Ingrid laga på stormkjøkkenet.

Her er Live, Irene og Sigurd på nesten 470 moh. Ikkje så høgt, men det var likevel kjempefin utsikt frå toppen. Irene var den einaste av oss som hadde vore på Sørtind før. Ho gjekk hit saman med barnehagen allereie for 2 år sidan.

Live var nøgd med at me fann ei fin slette å ha pause på litt nedanfor toppen, slik at ho kunne få springa litt og finna steinar til å kasta i vatnet.

Etter ein tur på fjellet er det godt å slappa av i den nye Hammock-stolen på verandaen.

Jonsokfeiring, eller....??

2010-06-23T21:22:00.003+01:00

Då har me passert jonsokafta og det går allereie mot vinter.

Her i nord ligg snøen langt nedover fjellsidene og i går hadde me skikkeleg oktober-ver med kuling og regn.
Difor har me no fylt opp vedlageret og er klar for fyrings-sesongen. 2 favner ved vart i ettermiddag stabla under altanen, og heile familien var medverkande.

Det vil seia; Live var vel mest med for å læra.... Her sit ho i køysenga si, og er uvitande om at det eigentleg burde vore 15 grader varmare ute.

Såpass uvitande at både ho og søstera trur at det var julafta og ikkje jonsokafta me feira i kveld. Vel, vel, dei bomma berre med seks månader....

Uansett grått ver eller ikkje; - Live oppfordrar alle til å ta ein liten trall: "For om regner pøser, om sola skinner, kan du ha det gøy. En super-duper dag, den er din."

Kva passar vel betre i dårleg ver enn å ta ein tur til Hoppeloppeland. Irene er bakerst i midten, og Live er på siste dump i banen til høgre. (Ho blir vel utforkjørar eller noko lignande...)

Vel, jonsok-feiring vart det no til slutt. Ingenting smakar som spidda pølser, og jammen vart det fort T-skjorte-temperatur inne.

Share the moment!

2010-05-30T14:49:00.005+01:00

I helga tok me ein snartur til Oslo og Telenor Arena. Og det var absolutt verdt det å for første gong få med seg ein Melodi Grand Prix-finale live. For eit show!!!

Her er me klar utanfor Telenor Arena. Kathrine i ny kjole for høvet.

Og jammen traff me på kjentfolk òg. Steminga var på topp allereie lenge før finalen hadde begynt. Kathrine prøvde til og med å bytta til seg eit tysk flagg, sidan det heile tida har vore vår favoritt.

Men me måtte klara oss med det norske flagget, og Didrik var jo ikkje så verst han heller. Me hadde veldig bra plassar på den bakerste tribunen, og sjøv om artistane var litt langt unna, var lyd og lys upåklageleg. I tillegg fekk me med oss det meste på storskjermar.

Her er salen snart fyllt opp før sending, og ei gruppe varma opp med gamle Grand Prix-slagerar.

Det var rett og slett imponerande korleis scenen forandra seg mellom dei forskjellige artistane, og det var ein av dei tinga som var mykje betre å oppleva live enn på tv. Steminga i salen var òg enorm, og til slutt vart det fortent jubel for Lena og Tyskland!

Så då spørs det om me må planleggja tur til Tyskland 21. mai neste år, for dette gav meirsmak :-)

Tidenes 17. mai

2010-05-17T22:23:00.002+01:00

Årets 17. mai vart tidenes varmaste i Tromsø (og sikkert mange andre stader i Nord-Noreg). Den tidlegare rekorden på 18,6 grader frå 1937, vart slått ned i støvlane. I dag har me vore oppe i 21,3 grader. Dermed var det berre å leggja dressjakken att heime, for dei som kunne det...

Irene gjekk saman med resten av 1. klasse i barnetoget på Kvaløysletta, medan Live er nøgd berre ho får lov til å gå. På biletet under er ho på tur saman med storesøster. Og ullsokkane er kun for at foten skal passa i sandalane, ikkje fordi det er så kaldt....

Me tek også med eit par bilete frå laurdag, då me var på grilltur til Nord-Lenangen saman med Olufsens. Flott sommarver med dei kvite Lyngsalpan i bakgrunnen.

Berre synd me ikkje har passert pinse enno og den berykta "pinseria"....

Barnegospelfest

2010-05-02T15:36:00.006+01:00

I helga har Irene (og Live) vore på barnegospelfest her i byen. Det var samla fleire kor frå Narvik i sør til Svalbard i nord, og til saman var det rundt 100 barn. Det store trekkplasteret var jentegruppa Seven, og i går var det stor felleskonsert.

Irene er med i Kvaløysletta Barnegospel. Ikkje så lett å sjå henne kanskje, men ho er ei av dei i oransje T-skjorte. Og på videoklippet ser det ut som Live er heilt klar for opptaksprøve i Seven....

Vårstemning

2010-04-21T20:46:00.002+01:00

No er det vår i byen med lange, lyse dagar og mulighet for topptur på ettermiddagen. Her er nokre bilete frå ein tur på Lille Blåmann i dag. Veret var strålande og føret var nesten like bra etter nysnøen som har kome i det siste.

Utsikt mot Tromsø

Utsikt vestover. Legg merke til den flotte cumulunimbus-skya som ligg ute i havet:-)

Utsikt nordover mot Store Blåmann og Kaldfjorden.

Live-moments

2010-04-12T20:24:00.004+01:00

Som de ser har Live fått seg ny seng; køyseng....

Det gjeld å liggja i ro slik at ikkje den over vaknar. (Evt. sidan det ikkje er mogleg å strekkja ut beina.)

Ikkje noko særleg betre beinplass i overkøya, men for Live såg det ut til å vera det same kvar ho låg, berre ho fekk lov å liggja i den flotte senga.

Her eit litt meir ungdommeleg motiv av Live der ho er lettare henslengt i saccosekken framføre TV'en. Ho var faktisk svært oppslukt av eit Melodi Grand Prix-program:-)

Og så er ho kjempenøgd med at ho no kan åpna og lukka døra til sitt eige rom. Kanskje greit å få litt tid for seg sjølv av og til...

Live show

2010-03-23T21:16:00.002+01:00

Live har gjort nye framsteg; no kan ho stå utan å halda seg og er kjempenøgd :-)

Irene 7 år!

2010-03-10T09:00:00.000+01:00

Hurra for Irene som fyller 7 år i dag. Her kjem eit lite knippe med bilete, og det vart visst nesten berre sommarbilete. Nokre er frå Tenerife-Syden, medan andre er frå Kvaløya-Syden.....

Det er i alle fall ikkje tvil om at Irene likar sol og bading, men skeiser og ski er ikkje så verst det heller. Det siste biletet er frå skeisebanen her på Kvaløya i sist veke.

Gratulerer med dagen, Irene!

Live 1 år!!!

2010-02-13T15:34:00.003+01:00

Så var Live allereie blitt eitt år. Her skulle eigentleg vore ein kavalkade med bilete frå året som har gått, men me får nøya oss med desse to frå den siste månaden.

Her ser det ut som ho har fått overtaket på storesøster.

Eit motto frå Live: Kvifor ha TV når det er like gøy med vaskemaskin...??

Pappaperm på Tenerife

2010-02-07T21:16:00.005+01:00

Sidan det likevel ikkje har vore noko særleg skiføre i nord i år, var det like greit å ta dei to siste vekene av pappapermen (eller fedrekvoten som det no heiter) i varmare strok.

Dei to siste vekene i januar vart difor tilbrakt på Tenerife og her ser me solnedgangen frå verandaen vår.

Etter to månader utan sol er det eigentleg rart kor fort ein blir van med både sol og 25 varmegrader. Den første veka var veret stort sett slik, og det vart bading både i basseng og sjø.

Den minste i familien nyt sydenLive....

Bading var heilt topp og måtte porsjonerast ut av foreldra elles hadde ho vel budd i bassenget.

Og kva gjer det vel om det er litt skyer ein dag. Då er det berre å ta turen over skyene og opp til 2000 m.o.h.

Her kan ein finna både gigant-kongler.....

... og merkelege striper i fjellet.

Her er vi ved eit av Tenerife's mest kjente motiv; Roque de Garcia med vulkanen Teide i bakgrunnen (Spanias høgaste fjell). Me gjekk ein liten tur i dette spesielle landskapet, og sjølv om me var over 2000 m låg temperaturen likevel på 17 grader.
Jentene i solnedgang på strandpromenaden i Playa de Las Americas.

Og til slutt brevet Irene skreiv til tannfeen då ho var så uheldig å svelga den lause tanna si :-)

Nytt år - nye muligheter

2010-01-12T21:24:00.003+01:00

Då var me alt godt inne i 2010, og det er på tide med eit nytt innlegg. Etter ein kald start på året har klimaendringane no slått til for fullt og det har blitt betydeleg mildare. I helga hadde me 6 plussgrader, kuling og regn. Ser ut som om me har bytta klima med Vestlandet..... :-(

Men med ruskever ute, er det jo fint å kosa seg inne (eldgamalt jungelordtak). Her har Irene og Live funne seg godt til rette i saccosekken.

Og kven visste vel at Live hadde ei ukjent tvillingsøster? Eg tvilar på om det hjelper med hjartekompresjon på denne, Live, men det er jo greit å øva seg.

I slutten av veka er mørketida offisielt over her i byen, og Live er tydelegvis klar for å møta sola! Her sit ho på fanget til bestefar og strålar (Live altså)....

God jul!

2009-12-24T16:26:00.004+01:00

Irene og Live ynskjer alle våre blogg-lesarar ei riktig GOD JUL!

Mørketid

2009-11-29T19:18:00.002+01:00

Mørketida er over oss, men så lenge det er klart og kaldt ver gjer ikkje det så mykje.

I ettermiddag var me ein tur opp til Finnvikvatnet for å testa skeise-isen og sjå etter nordlys.

Det var litt for mykje snø på vatnet til å gå på skeiser og nordlys såg me heller ikkje, men det var ein fin tur i måneskin og nesten 10 kuldegrader.

Tidlegare i dag var eg ein tur oppover lia bak huset vårt. Midt på dagen var det flott lys i sør, sjølv om sola ikkje kjem over horisonten på ei stund.

Takk for i år!

2009-11-19T13:49:00.002+01:00

I dag såg me truleg dei siste solstrålene for i år. Sola klarer akkurat å vera framme ein time over fjella i sør. Dei neste dagane blir det nok for mykje skyer, så då må me venta til siste halvdel av januar til me kan sola oss att her nord.

Veret er jo ellers upåklageleg, men litt snø snart hadde ikkje vore å forakta.

Live likar seg best under bordet for tida, og kan åla seg fram og tilbake mellom stolbeina ganske lenge. Biletet er teke før ho vart svinifisert....

Og her har vi den som fekk svineriet med seg frå skulen. Her prøver ho å sjå ganske frisk ut, men det har ikkje vore slik heile veka. Så håper me i det lengste at me andre slepp unna.

71 grader nord

2009-10-27T19:56:00.002+01:00

Ikkje lenge etter at Irene hadde fått sett eit opptak av 71 grader nord, var ho i gang med ein alternativ måte å gå ned trappa på. Tidlegare på kvelden gjekk ho rundt inne med solbriller og ryggsekk, men det vart dessverre ikkje foreviga.

"Vil du at Irene skal nå heilt til topps? Gje di stemme no!"

Når Live skal ha seg mat (tut, tut).....

2009-10-16T17:46:00.002+01:00

...så spiser hun ikke spinat (tut, tut). Selv om det ser sånn ut (..eh.. tut, tut).

Tilsynelatende litt skeptisk i starten,

men blid og fornøyd etterpå. Dagens spørsmål blir: Hva har Live spist her??

Tidleg vinter i år

2009-10-09T11:12:00.003+01:00

Så er vinteren her for fullt ser det ut som. Desom det fortset slik er det ikkje lenge til det er skiføre i lysløypa :-)

Tur i Reisadalen

2009-09-28T18:22:00.002+01:00

Med eit vervarsel som sa storm og regn i helga, valgte tre meteorologar å leggja i veg på tur inn Reisadalen. Og det var sjølvsagt ikkje heilt tilfeldig at veret der inne var heilt annleis enn i resten av Troms...

Sykkeltur til Treriksrøysa

2009-09-13T21:03:00.003+01:00

Kva er vel betre når det er grått og litt regn i Tromsø enn å ta ein tur til våre naboland i aust? Me bestemte oss for å kjøra til Kilpisjärvi i Finland, ta båten Malla over til Koltaluokta i Sverige og så gå (eller sykla) dei tre kilometrane tilbake til Noreg og Treriksrøysa.

I starten er stien nemleg så god at det er fullt mogleg å sykla, og Irene fekk snart eit føresprang.

Etter kvart fann me imidlertid ut at det var lettare å gå, så siste halvdelen og vel så det vart tilbakelagt til fots.

Vel framme tok me ein rundtur innom alle dei tre nordiske landa; her med Norge i bakgrunnen.

For Live var det nok ekstra gøy at hennar første tur til desse nabolanda vart som eit Kinderegg; tre land på ein gong. (I alle fall gøy for foreldra...)

La det regne, la det berre snø....

2009-09-08T18:54:00.002+01:00

Ja, no er me godt rusta for vintersesongen her nord. Garasjen er så godt som ferdig. Det gjenstår berre å leggja inn straum. Så då skulle me ha god plass til endå meir rot....

Litt kontrast samanlikna med resten av garasjerekkja, men det er ikkje vårt problem :-)

Og i heimen er me godt nøgde med denne dingsen som bles varme vindar gjennom heile huset. Så då er det berre å venta på den første hauststormen.

Til slutt eit par bilete frå ein liten piknik i det fine haust/seinsommar-veret me har hatt dei siste vekene. Tiger-jentene ser ut til å kosa seg ute i det fri.

Skulejenta vår

2009-08-20T10:23:00.003+01:00

Ferieavslutning

2009-08-08T11:56:00.002+01:00

Då er det jammen på tide med ei ny oppdatering på bloggen. Ein lang og innhaldsrik sommar går mot slutten, og me startar med det siste.

Denne veka har me vore eit par dagar på Rostahytta i indre Troms. Det er ca. fem og ein halv kilometer å gå, og i år klarte Irene (og Live) turen på under to og ein halv time.

Hyttene ligg flott plassert like ved Rostaelva, og når temperaturen i lufta ligg på mellom 20 og 25 grader er det ikkje noko problem å bada heller.

Her har me gått eit lite stykke vidare innover dalen og funne ein flott badeplass.

Utsikt utover dalen med hyttene og Likkafjellet i bakgrunnen.

Så får me sjå om det kjem nokre fleire feriebilete etter kvart.

Ein epoke er over for Irene

2009-06-19T19:08:00.004+01:00

I går var det sommaravslutning og feiring av barnehagen sitt 5-års-jubileum. Det vart markert med ei kunstutstilling på Selnes skule.

Her viser Irene fram noko av det ho har laga gjennom året, og det er ikkje lite. Me kan nevna vev, maske i pappmasje, planeten Mars, smykke på glasshytta Blåst, stearinlys, akvarium med vulkan og mange bilete.

Irene er den som til no har gått lengst i Lekestua familiebarnehage, heile 5 år, og den einaste som sluttar dette året. Og då vankar det ei "lita" gåve frå barnehagen og Sissel (styraren).

Her er Irene med ein flott tursekk som inneheldt både sovepose, grillpinne og ein skikkeleg kniv. Det seier vel òg litt om kva slags aktivitetar barnehagen har prioritert i desse 5 åra.

I dag har Irene prøvd kniven og fekk spikka seg ein ganske så spiss pinne i finveret på Hella.

Til slutt eit bilete av den fantastiske landsdelen me bur i, ikkje minst på sommardagar som denne. Og så får me berre godta at me snart har ei skulejente i huset....

Tur-orientering

2009-06-16T20:26:00.002+01:00

Tur-orienterings-sesongen er i full gang, og nytt av året er at Irene har fått sine eigne kart og postar. Dette kallast Stifinner'n og består av i alt 40 postar fordelt over 4 område.

Her er Irene i full gang med å studera kartet for å finna vegen til neste post. Live er ikkje fullt så interessert enno.

Postane kan liggja ganske ulendt til, men Irene finn alltids ein veg slik at ho kan lesa koden på posten. Koden skriv ho sjølv ned på arket og registrerer den på internett når me kjem heim. Til no har ho funne 20 av dei 40 postane og leier statistikken på nettet.

Kongeleg besøk

2009-05-05T21:06:00.003+01:00

Sist veke var det offisielt statsbesøk i Tromsø av den canadiske generalguvernøren og Norges kongepar. Veret var strålande og midt i Storgata tok Dronning Sonja seg god tid til å helsa på dei frammøtte.

Barnehagen var på plass og jammen stoppa Dronninga ved sida av Irene. Ho hugsar ikkje så mykje av kva Dronninga sa, men var overraska over at Kongen var så gamal, og så var det veldig lenge å venta før dei kom... Det er vel omtrent det me har fått vita om den saka.

Grilling i Grøtfjorden

2009-05-02T17:50:00.003+01:00

Når temperaturen kjem over 10 grader her nord er det på tide å koma seg over i vårmodus. Så i dag fekk me med oss familien Berget og drog ut til Grøtfjorden. Me var tidleg på 'an, så me fekk velga plass først :-)

Uansett er det nok plass å ta av, og med sol frå nesten skyfri himmel er det bare å innta relax-stillingen.Her er grillinga i full gang og som vanleg er det mennene som må ta seg av matlaginga når kol og tennvæske er involvert. Live hadde for høvet fått låna solbriller av Elton John. Ellers var ho vel stort sett nøgd med sin første skikkelege ute-dag (utanom i vogna då).

Haakon har nokre fleire månader på baken, og koste seg i sin flotte doning som kan gå både til lands og til vanns (og i lufta med). Ja, ei lita overdriving det der, men det er praktisk med eit kjørtøy som kan brukast både som pulk, sykkelvogn, joggevogn, vanleg vogn og sikkert ein del fleira ting.

Tusen takk til Ingeborg, Aleksander og Haakon for ein flott tur! Me set stor pris på at de er her nord!

Tid for amming

2009-04-17T15:31:00.000+01:00

Det er kjekt med litt selskap når eit måltid kan ta opp mot ein time.....

Live er døypt

2009-04-08T13:02:00.002+01:00

På palmesøndag vart Live døypt i Fjellheim misjonsforsamling. Ho sov under heile dåpen, men gløtta litt på augene då ho vart våt på hovudet.

Foreldre og fadrar (pluss nokre små) stod framme på scenen under heile dåpshandlinga, noko som var ganske lenge....

Irene fekk vera med å ta dåpslua av Live før dåpen, og her har me eit stolt storesøster etterpå.

Påskever

2009-03-30T19:35:00.002+01:00

Her i nord har me hatt eit fantastisk ver i helga. Reine påskestemninga; så får me berre vona at me ikkje har "brukt opp" heile finveret før påske.

Her er Espen på veg frå Snarbyeidet til Tromsdalen, ein tur på 34 km i flott natur like utanfor Tromsø.

Espen og Trond har drikke- og snopepause på eit av dei høgaste punkta på turen. Det må jo berre bli så bra ver når tre statsmeteorologar er på tur :-)

Tidleg krøkast :-)

2009-03-23T21:17:00.003+01:00

Kva kan det vera Live er så fasinert av her? Ho har tydelegvis sete seg godt til rette i sacco-sekken og er 100% fokusert.

Aha! Eit godt tilbud frå Elkjøp. Ja, det er dumt å betala for mykje, men ikkje la deg lure, Live!

Javel, du venta eigentleg på dei kjekkasane?! Kanskje litt tidleg å bli hekta både på TV og menn som er ein del eldre enn deg.....

Idol-møte

2009-03-14T00:05:00.002+01:00

I dag fekk Irene treffa eit av sine idol. Lisa og Sofie Børud hadde konsert i byen, og etterpå fekk Irene både signert CD og klem av Lisa.

IRENE 6 ÅR!!!!!!

2009-03-10T15:11:00.002+01:00

Dagen feires i barnehagen og på Peppe's :-)

Diverse kvardagsglimt

2009-03-05T21:56:00.003+01:00

Dei siste vekene har stort sett gått med til eting og soving (og litt skriking), i alle fall for den ferske i familien. Her kjem eit par bilete frå kvardagen i heimen.

Irene er ei kjempeflink storesøster og er svært glad i å få halda og bæra Live. Men det er kjekkast når ho ikkje skrik...

Det er mykje ein kan bruka som liggjeunderlag på kjøkkenbenken. Her testar Live ut fjøringa i RugFras-boksen.

Innimellom er det greit å få seg ein tur ut i finveret. Her er Irene på tur med faren ein liten tur i skiløypa i Håkøybotn.

Til slutt må me berre ta med eit par bilete av "rullegardina" til naboen. Det er eit avansert system som går ned av seg sjølv i sola om dagen. Men eg trur dei må forska litt meir på korleis dei skal få ho opp att om kvelden....

Perfekt skjerming for innsyn er det i alle fall :-)

Fleire Live-bilete

2009-02-18T19:01:00.002+01:00

Her kjem litt fleire bilete av Live frå dagane på UNN.

Det går stort sett i eting og soving for ho, og det er jo ganske greit.

Her har vi ei stolt storesøster på besøk på barselhotellet.

Og her er far saman med sine to døtre.

Live har kome heim og har funne seg godt til rette i voksi-posen.

Til slutt må me berre ha med eit bilete av det fantastiske vinterveret me har hatt heilt sidan Live blei fødd.

Levande Live

2009-02-13T22:43:00.013+01:00

Kl 14:58 i dag kom Live ut av mor sin mage, og då meiner eg rett ut. Etter kun få minutt på operasjonsbenken høyrde me skriking på andre sida av forhenget, og det var heldigvis ikkje kirurgen som skreik. Etter å ha venta på keisersnitt nesten ein heil dag (var eigentleg lova at me skulle vera først ut kl. 07:30 om morgonen), var det greit at ting gjekk unna då me endeleg kom i gang.

På dette første biletet er Live berre rundt 5 minutt gamal, og det må jo vera litt av eit sjokk å koma rett frå den lune magen til mor og så plutseleg ha mykje luft rundt (og i) seg.

Etter ca. ein halv time tek ho livet litt meir med ro og har fått pakka seg godt inn i diverse klutar og pledd.

Etter nokre timar til har ho blitt meir van med dei nye tilhøva og tek seg ein lur med "lua" på snei. Så får me sjå etter kvart kva Live(t) vil bringe.... (Er potensiale for mange ordspel her ser eg.)

Snø og rein

2009-02-07T15:29:00.003+01:00

I dag var det silkeføre på Finlandsfjellet; 10 cm nysnø på hardt underlag. Sjølv om sola no er oppe i fleire timar, vart det ein kald fornøyelse. Det er ikkje ofte det er 12 minusgrader i Tromsø, heldigvis var det nesten vindstille.

På veg opp gjekk eg like forbi desse reinsdyra. Det virka som dei var vane med folk, for dei flytta seg ikkje ein centimeter sjølv om eg passerte berre 10 meter frå dei. Såg ut som dei visste kvar maten var, for dei hadde vore på fleire av dei små haugane der snølaget var ekstra tynt.

Det er fantastisk å ha slike turområde like utafor døra, samstundes som ein har dei servicetilbod som ein by kan tilby berre få minutt unna.

Sol og skitur

2009-01-31T15:51:00.003+01:00

Etter 2 månader utan sol er det fantastisk når ho dukkar opp att over fjella i sør. Og det blir fort lysare; 19. januar hadde me 3 minutt med sol, og dersom det hadde vore skyfritt i dag ville me hatt over 4 timar!!!!

Og det er no skisesongen tek til for alvor. Sjølv om det er fint å gå i lysløypa heile vinteren, er det ekstra stas å få litt lengre turar no når dagane vert lengre.

Her er eit bilete frå lysløypa forrige helg, då me var på tur alle "4". Etter at turen var ferdig konstaterte Irene at turen hadde vore alt for kort, så neste gong får det bli skikkeleg langtur:-)

Den veksande magen...

2009-01-20T21:08:00.004+01:00

Etter mange oppfordringar (i alle fall den eine frå deg, anonym) kjem det her eit bilete av mor og barn før det store gjennombruddet. Ting kan vel skje omtrent kva tid som helst, men me håper det tek ei veke eller to til.

Så tek me med nokre teikningar frå kunstnaren i familien. Her har Irene teikna ein politimann i svart som er svært forelska i kjærasten sin. Ho kjem på besøk til han med ei kake i veska.

Nederst ser me tjuven som politimannen har sett i fengsel. Han har lekkjer både på hendene og føtene, og er ikkje særleg nøgd. Til høgre eit hjarte til både mor og far :-)

Forandring fryder

2009-01-11T17:42:00.004+01:00

Sidan helga har vore prega av regn, vind og mildver, har me hatt god tid til inneaktivitetar. Dermed har me nytta sjansen til å førebu oss litt til det som skal koma, og flytta rundt på litt av kvart.

Den største endringa er at Irene har fått nytt rom og ny seng. Ho har flytta ned på det som har vore gjesterom, og i tillegg til senga er ho òg godt nøgd med både prinsesselampe og Ole Brum-gardiner. Samstundes har ho fått plass til nesten alle leikene på rommet, og det blir dermed litt betre plass i stova for oss andre:-)

Godt nytt snøår!

2009-01-04T20:25:00.005+01:00

Nyttår vart feira på Senja i flott snøver, men det vart litt vanskeleg å sjå rakettane då :-)

Maten var som vanleg upåklageleg på desse kantar, og Irene var nøgd med at det ikkje vart nok ein potetmiddag.

Det var omtrent snøfritt då me kom, men om morgonen 1. nyttårsdag målte me 70 cm på altanen, og det snødde endå meir etter at dette biletet vart teke.

Til slutt eit bilete frå romjulsgøy i Hoppeloppeland. Irene var heilt i 100, og det er ikkje rart at ein blir oppfordra til å passa på å få barna til å drikka nok vatn her inne.

God jul!

2008-12-24T12:35:00.002+01:00

Irene er klar for julefeiring og me vil ynskja alle våre blogg-lesarar ei riktig god jul. Juletreet er klart og me har eit fantastisk lys på himmelen i dag.

Ein liten skitur vart det òg tid til. Me må jo nytta sjansen før mildveret slår inn 1. juledag...

Deilig er jorden,
prektig er Guds himmel,
skjønn er sjelenes pilgrimsgang.
Gjennom de fagre
riker på jorden
går vi til paradis med sang.

Tider skal komme,
tider skal henrulle,
slekt skal følge slekters gang.
Aldri forstummer
tonen fra himlen
i sjelens glade pilgrimssang.

Englene sang den,
først for markens hyrder;
skjønt fra sjel til sjel det lød.
Fred over jorden,
menneske fryd deg.
Oss er en evig Frelser født !

Lucia-fering

2008-12-13T12:28:00.004+01:00

I dag er Irene på framsida av "Bladet Tromsø" og her er ein link til saken på nett, inkludert ein liten videosnutt. http://www.itromso.no/bt_web_itromso/article205637.ece

Tur til Blåfjell

2008-11-24T18:40:00.002+01:00

I helga var me på tur til det nye Blånisselandet i Målselv fjellandsby. Sjølv om me ankom midt på dagen, var det ingen ting å seia på det blå lyset.

Me hadde kledt oss godt sidan det var litt sur vind, men det var ikkje nødvendig då alle aktivitetane var innandørs. Her er Irene på veg over ei bru og klar for sklia.

Det var ikkje så lett å ta bilete inne sidan det var ganske mørkt mange stader, men nedanfor fekk me knipsa ein kombinert raud- og blånisse framføre skrotet til Mamsen og Lillegutt (t.h.???).

Og denne nissen er svært nøgd med at den blå timen for tida er ganske lang her nord, slik at ho får god tid til å skremme bygdefolk!!

Hurra for vinteren!

2008-11-16T20:02:00.002+01:00

Endeleg kan skisesongen begynna. Dei siste dagane har det kome ein del snø, og det er meir i vente. Det set både store og små pris på; skiløypa i hagen er sikkert snødd igjen allereie.

Oslo og København

2008-10-24T12:31:00.002+01:00

Forrige helg hadde me barnevakt og nytta sjansen til å få oss ein tur på eigenhand. Turen gjekk først til Oslo tidleg fredag morgon, og om ettermiddagen tok me denne båten vidare til København.

I København var veret ganske grått, men me fekk blandt anna med oss ein kanalbåt-tur med guide. Båten var både overbygd og oppvarma, så det vart ei perfekt avveksling til trasking rundt i Københavns mange gågater.

Vel tilbake i Oslo måtte me få med oss byens nye attraksjon; Operaen. Ganske fasinerande å kunne gå rundt kvar ein vil på taket av ein så stor bygning.

Om vinteren må det jo vera perfekt med ski....

På søndagen fekk me jammen tid til ein tur rundt Sognsvann for å mimra om gamle dagar, før det var på tide å venda nasen nordover att.

Superpink-girl is back

2008-10-14T17:24:00.001+01:00

Ytterligare kommentarar er kanskje unødvendige.....

September-stemningar

2008-09-29T14:40:00.004+01:00

September har vore ein variert månad, men grovt sett kan me vel seia at veret var dårleg i starten og slutten og fantastisk midt på.

Her er Irene og Topsy på leit etter tranebær på Senja.

Flott raud haustlyng på Ringvassøya.

Kveldsstemning frå fergetur på yttersida av Kvaløya.

Tett skodde ved fergekaien på Larseng.

Etter at me hadde kome over med ferga letta skodda og Malangen viste seg frå si beste side.

Kuling og skikkelege bølgjer ved brua over til Sommarøy. Etter ei veke med feber og influensa var det godt å koma seg ut ein tur å sjå litt på veret.

Grilling i Telegrafbukta

2008-09-11T19:11:00.002+01:00

Hilde er på besøk i byen og me fekk med oss ein gjeng til å nyta det flotte haustveret i Telgrafbukta.
Middagen er innteken og me er klare for desserten.

Familien Berget hadde med seg sin eigen duk. Irene meinte dei var tre babyar sidan alle tre låg på teppet :-)

Sol og vindstille; Kathrine er nøgd.

Og så eit bilete frå soloturen tidlegare i dag. Utsikt mot sørvest på det ytterste punktet av Ringvassøya. Sjølv om det var litt disig kunne ein sjå heilt til Andøya.

Indian summer

2008-09-10T19:24:00.003+01:00

Endeleg har me fått Kola-høgtrykket "vårt". Etter ei veke med regn og 6 grader, slo sommaren til att med temperaturar opp mot 15 grader (ja, det kan definitivt kallast sommartemperatur i september) og skyfri himmel.

I går åt me middag ute på verandaen utan å sitja og hutra :-)

I dag var det på tide med årets tur på Tromsdalstind i strålande haustfargar.

Reinsdyra var òg på tur.

Nesten på toppen. Eg tok ikkje den brattaste vegen.....

Toppen (1238 moh.) i nysnø. Over 1000 meter var det ein del snø, og i skuggen litt vel isete i spora.

Utsikt mot byen. Sjølv om det låg snø på toppen var det definitivt ikkje kaldt. Temperaturen steig med høgden og eg kunne stort sett gå i berre ullskjorta.

Seinsommar

2008-08-25T20:27:00.003+01:00

Sommaren her nord kom seint, men godt. Søndagen opprann med sol frå skyfri himmel, og me var nødt til å bestiga eit fjell. Valget fall på Brosmetind, som ligg ytterst mot havgapet på Kvaløya. Me har hatt besøk av Tor Ivar i helga (som utan tvil er den søringen som mest flittig tek i bruk gjesteromet vårt), og her er han behørig avbilda.

Etter den vesle toppturen vart det grilling (og vassing) i Grøtfjorden. Av meteorologiske årsaker (svak vind) slo me oss ned på motsatt side av fjorden enn me brukar, og det vart ein udelt suksess.

Medan gutane var på topptur, fann jentene ein ikkje ubetydeleg andel molter like ved vegen. Og det er meir der det kjem frå, og mange andre plassar i år....

Til slutt eit bilete frå Durmålstind (923 m.o.h.) her på Kvaløya i dag. Veret var minst like strålande som i går, og utsikten var enorm i alle retningar. Dette er utsikt omlag rett nordover.

Sommaren 08

2008-08-13T19:28:00.002+01:00

Her kjem endeleg nokre bilete frå ein innhaldsrik sommar.

Ein sommar er over...

2008-08-05T22:20:00.003+01:00

... men den har ikkje vore så verst. Her er bilete frå to av høgdepunkta:

Først jettegrytene ved Treungen. Eit fantastisk badeland; heilt naturleg.

Så frå Astrid Lindgrens verden i Vimmerby. I denne gata handla Pippi 18 kg godteri. Ser ut som enkelte har blitt litt større...

Fleire bilete og meir info kjem om ikkje så altfor lenge.

Nysnø og rabarbra

2008-06-28T16:37:00.002+01:00

Som nevnt i førre innlegg går det atter mot vinter, og då skyene letta frå Tinden i dag, er det tydeleg at ein ny skisesong nærmar seg. Det kan sjølvsagt diskuterast om det heller er siste krampetrekninga til vinteren som var, og med tanke på at me enno ikkje har hatt over 20 grader i år, så får me kanskje halda oss til den teorien. Uansett; det er jo litt fint med grøn skog og kvite fjell:-)

Sjølv om ikkje temperaturen viser midtsommartakter, så er det heldigvis andre teikn som kan bekrefta det. Ein av dei få inntakbare tinga i hagen vår er rabarbra. Her fortærer Irene ein stilk, men eg har ein mistanke om at det er ein bra dose sukker på.

Harde fakta

2008-06-21T18:58:00.002+01:00

Så har det skjedd i år att - så alt for tidleg - før sommaren har starta skikkeleg (i alle fall her nord). Sola har i dag "snudd" og me går atter mot mørketida... Frå no av blir kvar dag litt kortare, og hausten er i anmarsj. Vel, det siste er det vonaleg ei stund til og me får tru på ein fin sommarferie før den tid.

Så eit par bilete av Irene sine nye aktivitetar. I dag var ho svært nøgd med at ho har lært å strikka, vel og merka ved hjelp av eit stativ, men likevel... Ho lagar ein duk som ho skal ha på nattbordet sitt.

Og så er det viktig å halda seg oppdatert på nyhetsfronten. Her får ho med seg siste nytt før leggetid.

Senja, grilling og kubb

2008-06-08T16:52:00.002+01:00

På laurdag tok me ferja over til Senja i finveret. Det kan sjå ut som Irene har sykla heilt til fergekaia på Brensholmen, og me kan jo la dykk tru det....

Det var lenge sidan sist me var på Husøya, så me tok ein liten svipp utom der på vegen. Ut fjorden er det rett mot nordvest, så det er ikkje rart at nokre av husa er festa med bardunar.

Så var det klart for grilling på verandaen til Olufsen. I le for nordavinden var det nesten sommartemperatur, og me var glad for at me hadde med shorts.

Etter middag var det klart for eit par rundar med kubb. Jentene og gutane vann kvar si gong, noko den yngste deltagaren var svært nøgd med. Her er ho i full "action".
Etter dessert og åpningskamp i EM gjekk turen heim att via landevegen.

Sesongens siste??

2008-05-26T16:43:00.002+01:00

Sist veke var eg på ein nydeleg skitur til Stormheimfjellet (1181 m.o.h.). Det var skyfri himmel, vindstille og silkeføre. Over ca. 500 m. var snøen heilt tørr, og det låg eit fint lag med nysnø på det litt hardare underlaget. Fjellet ligg på fastlandssida mellom Ramfjorden og Ullsfjorden, og var akkurat passe bratt både opp og ned. Det er sjeldan eg har kosa meg sånn på nedkjøringa etter ein topptur.

Utsikt frå toppen mot meir alpine tindar, bl. a. Hamperokken.

Utsikt motsatt veg mot Breivikeidet og Ullsfjorden. Kanskje dette var sesongens siste skitur, men det hadde jo vore kjekt med ein tur i juni òg....

Melodi Grand Prix

2008-05-18T11:52:00.006+01:00

Denne veka er det full rulle med Melodi Grand Prix (eller Eurosong som det heiter no). I år må nesten alle kvalifisera seg til finalen, og det betyr heile to semifinalar. Fantastisk! Det heile startar på tysdag, då bl.a. Norge og Maria skal delta.

Så er det ein ny semifinale på torsdag, før "le grande finale" på laurdag. Me har ope hus med Grand Prix-fest alle kveldane, så herved er DU invitert. Høgdepunktet blir sjøvsagt finaledagen med stemmeskjema og full pakke. Sendinga startar kl. 21 kvar kveld, og me startar oppvarminga frå ca. kl. 20.

Ein av våre favorittar i år er Sveits, og her er ein link til deira bidrag:
http://www1.nrk.no/nett-tv/klipp/352091

Silkeføre

2008-05-14T12:20:00.002+01:00

No er det silkeføre på fjellet her nord. Nysnøen som har kome dei siste dagane er tørr over 400-500 m. Med sol i tillegg (nesten heile døgnet) er forholda tilnærma optimale for toppturar. Desse bileta er frå Finnlandsfjellet (like bak huset vårt). Greit å få seg ein liten skitur før ein skal på jobb (ettermiddagsvakt, altså).

Kom mai du skjønne, milde...

2008-05-12T12:01:00.002+01:00

...gjør skogen atter... hvit??!

Her er naboen sitt hus brukt som bakgrunn for å illustrera snøfallet. I natt har det kome rundt 10 cm nysnø, og Irene kan kosa seg med å lage "engler i sneen".

Snøen ligg heilt ned i fjæresteinane og med kuling i tillegg blir det ganske surt.
Men kva gjer vel det når det er lyst heile natta...?! For dei som lurte; skisesongen er langt ifrå slutt. No kjem det masse fin nysnø i fjellet, slik at me kan få nokre flotte skiturar i midnattsol i vekene framover. Det er fordelen med nysnø i mai:-)

Grilltur til Senja

2008-05-04T14:09:00.002+01:00

Våren er her for fullt og ferga over Malangen har begynt å gå. I helga tok vi derfor en dagstur over til Senja i strålende vær.

Det finnes en rasteplass med flotte svaberg på Tungeneset i nærheten av Ersfjorden. Her parkerte vi oss selv og grillen, og tilbrakte nesten hele dagen med grilling, fisking og avslapping.

Sammen med oss hadde vi Unni og Håvard (kolleger fra Vervarslinga) og hadde selvfølgelig valgt ut dagen med omhu for å få best mulig vær.

Det var nok boltreplass for både store og små, og Irene fikk prøvd ut både klatre- og balanseferdighetene.

Ganske idyllisk, men det tynne altocumulus-dekket på himmelen var ikke helt med i planen.

Blå ekstra

2008-04-25T17:13:00.004+01:00

Trur aldri før eg har smurt med blå ekstra for å gå på ski i slutten av april, men i dag gjorde eg altså det. Silkeføre, skyfri himmel, vindstille og nyoppkjørte løyper. Turen gjekk frå Snarbyeidet til Tromsdalen, ein tur på 34 kilometer.

Og så må me berre ta med dette biletet i tillegg, sjølv om det er teke ein dag seinare. Irene har gått 4 km på ski (Trollvassbu i bakgrunnen), og me har starta grillsesongen i strålande "påskever".

Vinteren er flott, og i løpet av helga kjem våren :-)

Nordaførr

2008-04-19T15:55:00.004+01:00

Ein liten konkorruanse; eit av desse bileta er teke på julafta, det andre no siste døgn. Kanskje ikkje så alt for vanskeleg med tanke på naboen sine dekorasjonar..?

Me kan like godt røpa det først som sist; me passerer no 1 meter snø på flat mark og det er enno litt meir i vente. Men for oss som har hatt "sommarferie" i mars, er det berre fint med litt utvida skisesong. Og for å ha det sagt: I rekordvinteren 1997 var det godt over 2 meter snø på same tidspunkt. Til samanlikning blir dette berre kos. Dessutan seiest det at det er eit sikkert vårteikn når det begynner å bli grønt her nord, dvs. at postkassane kjem til syne... :-)

Me får heller seia som han Halvdan:

Alt det du vet om e vintern som tappa dæ tom,

og natta som vet den har vunne.

Du har TVn og tankan, dæ sjøl og et rom,

og liv som har levd og forsvunne.

Du vet det e været som hold dæ førr narr,

men du kjenn ingen ansikta i januar.

Og du lengta mot lyset, fra mørket om morran,

og fra frosten som frys fast i såran.

Jo da, du vet du har venna, at du har det bra,

men tengan e tøngre å bær på.

Du e ensom og hjelpelaust nordaførr da,

de e langt inn til hjerta med klær på.

Du kunn ha gått ut, men kor henn sku du gå,

så håpa du heller at nån banka på.

Jo det veit å bit fra sæ, det landet vi lev i.

Han e lang vintern, men ikke evig!

Førr nu e det vår her i byen og gatan e bar,

det spire og gror i landet.

Og det gjør oss takknemlig førr det som vi har,

vi trur på oss sjøl litegranne.

Det hende vi tell og med føle oss fri,

vi vet vi e hjemme og her ska vi bli.

Vi e sterk og kan ta ka som helst når det kommer,

vi har sola og snart e det sommer.

Verdens vakreste sjøreise

2008-04-15T12:28:00.003+01:00

I helga var me på ein liten tur med Hurtigruta saman med Kristin og Svenn Magne. Sjølvsagt var det heilt tilfeldig at det var Trollfjord som gjekk.

Her er me ute og snur i Kirkenes.

Kaffe mocca med sugerøyr vart ein slager om kvelden.

Me var så populære at det vart hengt opp eit innramma bilete av oss, sjølv om ein av oss fekk pirat-look i løpet av turen.

Her er det koking på gang. Irene var ikkje heilt tilfreds, men det er ikkje fordi det er for kaldt. Stampen heldt minst 37 grader, så det var i varmaste laget.

Og så hadde me slikt ver nesten heile turen. Her er nærmar det seg solnedgang ein stad mellom Vardø og Båtsfjord.

Glimt frå den nord-norske hoppveka

2008-03-31T13:04:00.003+01:00

Arrangementet fann stad på Skoghus i helga. Irene satsar friskt og startar stadig lengre opp i bakken.

No er det like før....

Litt dårleg sats denne gongen...

Nedslaget trekkjer litt ned, men elles var stilen upåklageleg.

Med litt meir øving har me ei ny Anette Sagen på gang!

Bilete frå Tenerife

2008-03-26T19:17:00.001+01:00

Karneval og bursdag

2008-03-06T21:25:00.001+01:00

Det er karneval-tid og det var ikkje tvil om kva Irene ville vera i år. Prinsesse-faktoren er høg og dette er visstnok Tornerose. Om ikkje mange dagar er denne prinsessa 5 år, og me nyttar høvet til å gratulera masse med dagen.

Skiweekend på Riksgränsen

2008-03-04T19:31:00.002+01:00

I helga var me med på skiweekend til Riksgränsen ved Bjørnefjell. Veret var strålande, og på tross av kuling på norsk side, var det nesten vindstille i Sverige. Og godt var det sidan temperaturen låg mellom 10 og 20 kuldegrader. Men kulden gjorde forholda perfekte for denne "lysfontenen"; iskrystallar som reflekterer sollyset og ser ut som ei lysstråle som står opp frå bakken.

Nokre hadde meir luftige svev enn andre. Her er Aleksander i ein baklengs salto, trur eg.

På spelefronten vart Sequence ein suksess, men lite veit dei om kva som lurer på utsida...

"Akta er för vargen!!" Her har ulven tydelegvis teke på seg kleda til Rødhette.

Irene har blitt ein racer på ski, og var først litt skuffa over at ho ikkje fekk vera med i den store bakken. Men ho konkluderte raskt med at det var nok av passande bakkar rundt leirstaden. Her er ho i farta i ein av dei utan respekt.

Grønt og rosa party

2008-02-23T16:53:00.002+01:00

Endeleg kjem det nokre bilete frå den store grønt og rosa festen forrige helg.

Sofaen og gardinene er sjøvsagt kjøpt inn for anledningen. Vel, kanskje ikkje....... Men legg merke til dukane og lysa.

Bursdagbarnet ser ut til å ha det bra og enkelte hadde til og med farga håret :-)

Til slutt ein bekreftelse på at underteikna har vore på Lille Blåmann i år òg. Her saman med meteorolog-Espen.

Kathrine har bursdag

2008-02-14T21:21:00.004+01:00

Verdens beste kone og mor har i dag bursdag, og fyller et visst antall år. I den anledning kommer et par lekre bilder fra året som har gått. Som dere ser liker Kathrine å komme seg ut i naturen på de fleste årstider.

Dagen feires derpå (altså lørdag) og det er bare å stille opp i noe grønt og/eller rosa kl. 17.30 hjemme hos oss på Kvaløysletta.

Årets første tur til Kjølen

2008-01-31T15:19:00.000+01:00

Med nordvestleg frisk bris og nokre snøbyger i området nådde me toppen av Kjølen for første gong i år. Sjølv om det no er ein halv meter snø i låglandet, var det ganske avblåst mange stader på veg oppover. Men elles var føret fint og nedturen gjekk som ein draum. Me fekk òg eit kort glimt av sola, men det er lite varme å få frå den kanten enno.

Turen gjekk saman med to andre meteorologar; Espen og Ane. Her har me funne ein plass i le av Avinor sin radar.

Sola er her

2008-01-22T11:50:00.000+01:00

Sjølv om det var i overkant skya i dag, var det ein akkurat stor nok sprekk i skydekket i sør til at me fekk nokre minutt med sol. Som de ser av det siste biletet er tidspunktet også bekrefta. No ser me fram til meir snø og etter kvart lange og solrike dagar.

Mot lysare tider

2008-01-14T18:49:00.000+01:00

I dag er siste dagen med mørketid i Tromsø. I følgje almanakken er sola over horisonten att i morgon, men det tek enno nokre dager før me kan sjå dei første solstrålene over fjella i sør. Dermed blir dette dei siste mørketidsbileta denne vinteren.

Nostalgi frå 80-talet

2008-01-07T21:47:00.000+01:00

Gamle minner frå barndomen strøymer på. Barne-TV er definitivt ikkje det det eingong var.... Har teke med eit lite utvalg av linkar; det finnes mykje meir.

"Glungen": http://www.youtube.com/watch?v=rAo1xjSBIH4

Shagma: http://www.youtube.com/watch?v=wvIqDPjbuSg

Lekestue: http://www.youtube.com/watch?v=L7Q3i3UVsDw

Og til slutt eit lite eksempel frå nærare fortid på kvifor det ikkje fristar å bli TV-kjendis:

http://www.youtube.com/watch?v=865NR4GwfiE

Godt nytt år frå mørketidslandet

2008-01-01T17:33:00.000+01:00

Her kjem eit knippe stemningsbilete av mørketida no i nyttårshelga.

Det første er ved Målselva, der faktisk isen har gått i slutten av desember. Var det nokon som trudde at mørketida var trist?

Men det frys nok snart til att. Det var i alle fall nok rim på trea mange stader langs vegen. Dette biletet er teke i fart medan dei andre i bilen sov.... Noko må eg jo finna på :-)

Utanfor Harstad var det skikkelig julestemning og skiføre når ein kom eit par hundre meter opp i høyden. Dessverre hadde me ikkje med ski...

...så på nyttårsafta køyrde me heller ein tur på den nye Lofast-vegen. I Lofoten er mørketida snart slutt, og me hadde eit fantastisk lys-spel på himmelen som er umogleg å festa til kamera. Dette biletet er mot Skrova like utanfor Svolvær.

Og då vil me ynskja alle våre trufaste tilhengarar eit retteleg GODT NYTT ÅR!!

Draumen vart oppfylt

2007-12-25T15:04:00.000+01:00

Og for den som fekk nye ski til jul var det jo kjekt at det i det minste var skiføre på plenen i dag.

Framleis GOD JUL!

I'm dreaming of a white Christmas...

2007-12-24T16:54:00.001+01:00

...men ikkje alle draumar går i oppfylling. I følge sikre kjelder på Meteorologisk institutt skal det begynna å snø i løpet av kvelden, men no kl. 17 er det framleis regn og bar bakke. Dermed blir det vår første svartgrønne jul nordpå, og det er faktisk berre 10. gongen det skjer sidan målingane starta rundt 1920. (Men huset til naboen har jo nok julestemning for oss alle...)

Inne er i alle fall julestemninga på topp! Me har allereie sett oss til bordet og reknar med at maten kjem på plass av seg sjølv.

Og med dette vil me ynskja alle våre blogg-lesarar ei fredeleg og god jul!

Sola har "snudd"

2007-12-22T13:22:00.000+01:00

Så går det endeleg mot lysare tider att. I dag tidleg kl. 07.08 "snudde" sola. I år vart det så seint som 22. desember, men det vert retta opp av skuddåret neste år. Her er eit bilete frå årets mørkaste dag, med vissa om at sola dukkar opp i sør om knapt ein månad. Biletet er teke midt på dagen.

Mens me ventar på lysare tider, kan me jo samanlikna biletet over med dette som er teke midt på natta i juni i år. Me gler oss allereie til dei lyse sommarnettene....

Sankta Lucia

2007-12-15T21:46:00.000+01:00

På torsdag var det juleavslutning i barnehagen med innlagt Luciatog. Litt rotete oppstilling, men stor stas. Irene song av full hals, og la kanskje inn ein søknad om å få vera Lucia til neste år.

Stor nok?

2007-12-04T18:52:00.000+01:00

Me klarte ikkje å venta heilt til jul, og har allereie opna julegåva frå oss til oss. Irene syntes visstnok ikkje tv'en var stor nok, så første kvelden var det like greit å bruka kikkert. Kanskje ho ser ting litt meir i dybden?

Kjekt med garasje

2007-11-24T22:41:00.000+01:00

Nå har vinteren slått til for fullt, og i den forbindelse er me svært glad for at me får låna ein garasje av naboen. Som de ser sparer det oss fort for ein del arbeid. Men det kan virka som om bilen har blitt forkjøla av å stå inne... (Det kjem ikkje fram på biletet, altså.)

Til minne om bestemor

2007-11-16T18:08:00.000+01:00

I dag er det 2 år sidan bestemor døydde. Her er eit av dei siste bileta me har av ho saman med Irene. Det er teke på ein grilltur til Torsvåg i Nord-Troms sommaren 2005. Me skulle hatt så mange fleire turar i lag, og saknar deg mykje.

Snart mørketid

2007-11-14T18:45:00.000+01:00

Dagslyset minkar for kvar dag, men dersom ein kjem seg opp i tide, er det nok lys til å få ein god tur midt på dagen. Og det hjelper om ein har avtala tur med nokon andre på førehand.

Dermed fekk eg ein flott tur i lag med Gjermund inn Saltdalen (ein sidedal til Lavangsdalen) tidlegare i veka. Det tynne snølaget var ikkje til hinder for ein skikkeleg fottur.

Med litt meir snø er det flott skiterreng innover her, om ein held seg borte frå rasfarlege område.

Mimretur til Oslo

2007-11-07T18:10:00.000+01:00

I helga hadde me ein barnefri tur til gamle trakter i Oslo. Veret var strålande, og me fekk tid til både shopping, besøka vener og litt avslapping.

På søndagen tok me turen opp til Grønlibakken der me budde dei tre første åra etter at me gifta oss. Den vesle verandaen ut frå toppetasjen vart flittig brukt frå 95 til 98. (Og no snakkar me ikkje om det store huset på biletet over, hvis det var nokon som lurte....)

Etterpå tok me oss ein tur langs Østensjøvatnet og fann ut at me hadde budd ganske så landleg berre nokre kilometer frå Oslo sentrum.

Men me skjøna raskt at livet i Tromsø er rolegare, då me etter berre ein halv dag i storbyen var godt inne i "løpe etter trikk/bane/buss-modus", sjølv om neste gjekk kun 10 minutt seinare....

Hausten tilbake

2007-10-26T13:22:00.000+01:00

No har me hatt rundt 10 grader både dag og natt i snart ei veke, så vinteren har forlengst slept taket. Til og med på fjellet er det snøfritt. Her er bilete frå ein liten fjelltur tidlegare i dag i strålande ver.

Og reinsdyra ser ut til å kosa seg.....

Smak av vinter

2007-10-11T12:41:00.000+01:00

Så var det klart for den første snøen her nord. Sjølv om den var veldig godt varsla, var det mange som ikkje hadde fått med seg at det var på tide å skifta dekk på bilen. Men det blir nok ein kortvarig visitt denne gongen, så får me håpa på at det heller blir skiføre til mørketida.

16 grader!!!

2007-09-30T16:28:00.000+01:00

I dag har me hatt den varmaste dagen i haust. Det er ikkje ofte det er over 15 grader i slutten av september her nord. Me bestemte oss for å bidra litt ekstra til drivhuseffekten, så me kjørte ut til Brensholmen og fyrte opp eit bål.

Sjølv med litt skyer innimellom var det godt og varmt, og pølsene gjekk ned på høgkant.

I fjæra fann Irene mange små, rosa skjell som sjøvsagt måtte vera med heim.

Og alle var enige om enkelte sider av klimaendringane er flott.....