Mykje lys og mykje varme

Sommaren her nord kan vera lunefull, og det er ikkje meir enn litt over to veker sidan eg var på tur i sluddbyger. Men no er alt gløymt, og me nyt kvar godversdag me får. I dag var me ein tur opp mot Fløya (fjellet bak Fjellheisen), til ei gamal steinhytte.

Irene er sprek nok, og ville helst at alle skulle jogga opp :-) Utsikten er upåklageleg, og med litt vind vart ikkje insekta så innpåslitne heller.

Her har Irene bestege sitt eige fjell, og er klar for Tromsdalstind (som me ser i bakgrunnen) om ikkje så alt for lenge.