Irene sin første kommentar då me kom ned til fiskehjella var: "Mmmm, her lukta det godt!" Kanskje ikkje det første me tenkte, men ho er svært glad i tørrfisk-snacks.
Neste dag tok me turen ut til Nyksund, eit nedlagt fiskevær som dei siste åra har blitt restaurert og fått fleire fastbuande. Særleg er det fleire tyskarar som har slått seg ned her, og det er no mogleg med både overnatting og å få seg noko å eta.
Ikkje alle husa ser like innbydande ut, men det har likevel skjedd store forandringar dei siste åra. For 15 år sidan heldt fleire av husa på å siga ut i sjøen.
Me fekk òg ein tur opp på Myretind (350 m.o.h.). Det er 20 år sidan sist underteikna var her og det var mitt første møte med Nord-Noreg. Kathrine hadde ikkje vore på toppen før, og var begeistra over den flotte utsikten både utover havet og over området rundt Myre.
Ingen kommentarer:
Legg inn en kommentar